Fiidnimadii Janaayo 11keeda labada ciidan oo kala ahaa Chamber oo 37-jir ahaa iyo Ingram oo 27-jir ayaa oo labadooduba u xilsaarnaa qayb ka mid ah qaybta dagaalka gaarka ah ee ciidamada badda ee fadhigoodu yahay Xeebta Galbeed, ayaa la soo sheegay in lagu waayay badda xilli habeen ah oo ay ku guda jireen qabashada markab si sharci darro ah u siday qalab dagaal oo horumarsan oo ka yimid Iran oo sahay u ahaa Xuutiyiinta Yemen.

Ka dib hawlgal baadigoob oo ballaaran oo 10 maalmood qaatay oo ay ka qayb qaateen ciidaamda cirka iyo badda ee Maraykanka, Japan iyo Isbaanishka ayaa lagu soo ogaaday in ay dhinteen.

"Waxaan tacsi u direynaa Chris iyo Gage qoysaskooda iyo asxaabtooda wakhtigan murugada leh. Waxay ahaayeen dagaalyahanno fariid ah, waxayna saaxiibbo qaali ah u ahaayeen qaar badan oo ka mid ah bulshada iyo ciidamada badda,” ayuu yiri kabtan Blake L. Chaney, Taliyaha Ciidamada Dagaalka Gaarka ah ee Badda qeyta 1-aad.

"Chris iyo Gage waxay si naf-hurid leh ugu adeegeen dalkooda iyagoo muujiyay hawl-karnimo, firfircooni iyo aqoon" ayuu yiri Chaney. "Geeridan ayaa ah mid murugo u leh Ciidamada Badda Mareykanka, qoysaskeenna, bulshada hawlgallada gaarka ah, iyo dalka oo dhan."

Macluumaadka waxaa lagu soo gudbin karaa bogga Foomka Soo Gudbinta Talooyinka.